Fyrirlestur í boði foreldrafélags
Þriðjudaginn 4. maí kl. 18:00 mun Eyþór Eðvarðsson frá Þekkingarmiðlun flytja fyrirlestur um streitu og streituviðbrögð á sal skólans. Í þessum klukkustundar fyrirlestri verður farið yfir fyrirbærið streitu á fræðilegan, léttan og samkvæmt sumum örugglega óábyrgan hátt. Skoðað verður hvernig stressuð þjóð sem ekki er viðbjargandi getur brugðist við og slakað á. Það er foreldrafélag skólans sem býður upp á fyrirlestur Eyþórs. Aðgangur er ókeypis og öllum heimill.
|
|
Okkar fólk sigursælt í hestaíþróttum
Lið skólans gerði sér lítið fyrir og sigraði í framhaldsskólamótinu í hestaíþróttum sem haldið var í Mosfellsbæ í lok mars. Okkar fólk vann til verðlauna í öllum greinum og vann einnig samanlagt. Liðið skipuðu þau Ásmundur Ernir Snorrason, Ólöf Rún Guðmundsdóttir, Sunna Sigríður Guðmundsdóttir og Una María Unnarsdóttir en liðsstýra var Margrét Lilja Margeirsdóttir. Við óskum hestamönnunum okkar til hamingju með þennan glæsilega árangur.
|
|
Gulir unnu Starfshlaupið
Hið árlega Starfshlaup FS fór fram í 16. sinn föstudaginn 26. mars. Í hlaupinu eigast við nokkur lið en fyrirliðar þeirra koma úr hópi útskriftarnemenda. Keppt er í hinum ýmsu greinum og þrautum út um allan skóla. Allir nemendur skólans þurfa að skrá sig í lið, annað hvort sem keppendur eða stuðningsmenn. Sigurliðið fær veglegan farandbikar og pítsuveislu að launum. Keppnin var óvenjujöfn að þessu sinni en að lokum var það Gula liðið sem fór með sigur af hólmi.
|
|
NFS-fréttir
Búið er að kjósa stjórn nemendafélagsins NFS fyrir næsta vetur. Stjórnina skipa Andri Þór Ólafsson formaður, Andri Steinn Harðarson varaformaður, Arnar Már Davíðsson ritari, Bjarki Rúnarsson gjaldkeri, Bjarki Þór Valdimarsson íþróttameistari, Þórarinn Gunnarsson markaðsstjóri og Ísak Ernir Kristinsson formaður skemmtinefndar. Meðstjórnandi kemur svo úr hópi nýnema og verður kosinn í haust.
|
Á döfinni
● Síðasti kennsludagur og dimissio er föstudaginn 30. apríl.
● Próf eru 3.-14. maí.
● Sjúkrapróf verða 17. maí.
● Einkunnaafhending og prófsýning verða 19. maí.
● Útskrift vorannar verður laugardaginn 22. maí.
|
 |
Fjölbrautaskóli Suðurnesja
Sunnubraut 36 |
230 Reykjanesbær |
Sími 421 3100 |
Fax 421 3107 |
Netfang fss@fss.is
|
|
|