Fréttir
Undankeppni í hársnyrtideild
Þriðjudaginn 16. febrúar var haldin innanhússkeppni í Hársnyrtideild Fjölbrautaskóla Suðurnesja. Allir nemendur deildarinnar tóku þátt þar sem keppt var í frjálsum uppgreiðslum. Eins og sjá má á myndunum fengu hugmyndaflugið og sköpunargleðin að ráða för hjá nemendum og lögðu þeir sig alla fram. Keppnin tókst í alla staði mjög vel og var gaman að fylgjast með áhuga nemendanna. Þrír efstu nemendurnir fara áfram og keppa fyrir hönd FS í Íslandsmóti iðnnema sem haldið verður í Smáralind helgina 19.-20. mars n.k. Undirbúningur fyrir Íslandsmótið hefst á næstu dögum. Dómarar keppninnar voru þær Ásdís Björk Pálmadóttir, Íris Jónsdóttir og Svava Jóhannesdóttir kennarar. Þjálfari keppenda fyrir Íslandsmótið verður Sigurrós Antonsdóttir hársnyrtimeistari. Erfitt reyndist að velja á milli keppenda en að lokum fór svo að Þórunn María Ríkharðsdóttir hlaut 3ja sæti, í 2. sæti varð Ingey Arna Sigurðardóttir og 1. sætið kom í hlut E. Kamillu Wilberg Antonsdóttur. TIL HAMINGJU MEÐ ÞAÐ!!! ÁFRAM FS!
Svava Jóhannesdóttir,
fagstjóri hársnyrtideildar
Á efstu myndinni eru frá vinstri Svava Jóhannesdóttir kennari, Kamilla, Ingey og Þórunn.
