Fréttir
Mætingar og skólavist á haustönn
Á haustönn 2009 má reikna með að umsóknir um skólavist verði fleiri en skólinn getur tekið við. Vegna þess gæti þurft að vísa einhverjum frá og þá verður miðað við eftirfarandi:
- Þeir nemendur sem hætta á þessari önn fá ekki skólavist á haustönninni. Þetta á við um nemendur sem hætta í skólanum eftir að úrsagnarfrestur (19. janúar) er liðinn.
- Þeir nemendur sem segja sig úr eða mæta ekki í próf í þremur eða fleiri áföngum eiga ekki vísa skólavist á haustönninni.
Það er því mikilvægt að nemendur stundi námið vel á önninni og mæti vel. Þeir sem ekki hafa mætt vel það sem af er önninni verða því að taka sig á og mæta í alla tíma það sem eftir er. Við minnum sérstaklega á að hægt er að bæta upp mætingar í íþróttum með því að mæta í stoðtíma á miðvikudögum. Þeir sem þurfa aðstoð eða upplýsingar um stöðu sína geta pantað tíma hjá námsráðgjöfum eða mætingastjóra.
