Fréttir
Gott gengi í söngkeppninni
Söngkeppni Starfsbrauta var haldin á Selfossi fimmtudaginn 8. nóvember. Sigurður Magnús Matthíasson var fulltrúi okkar og söng lagið You belong to me sem Björgvin Halldórs og Krummi í Mínus hafa sungið. Hann stóð sig alveg einstaklega vel og heilllaði alla upp úr skónum. Þær Hara systur og Gylfi fyrrverandi Stuðmaður voru dómarar þetta kvöld. Hara systur voru sammála um að annar eins sjarmi og Siggi væri varla til.
Sigurður lenti í 3. - 4. sæti ásamt Flensborg, þar sem dómnefndin gat ekki gert upp á milli þeirra. Í öðru sæti varð Fjölbrautaskólinn í Breiðholti og sigurvegari varð VMA eða Verkmenntaskólinn á Akureyri.
